నేటి చర్చ : రుద్రంపూర్, కోతుల సమస్య పరిష్కరించే వరకు గౌతంపూర్ గ్రామసభల బహిష్కరణ!

నేటి చర్చ : రుద్రంపూర్, కోతుల సమస్య పరిష్కరించే వరకు గౌతంపూర్ గ్రామసభల బహిష్కరణ!

గౌతమ్ పూర్ 8 ఇంక్లైన్ కాలనీలో వివిధ పార్టీల నాయకులు, గ్రామ ప్రజల నిరసన

గౌతమ్ పూర్, 8 ఇంక్లైన్ కాలనీ: గ్రామంలో కోతుల బెడదను నివారించడంలో అధికారులు నిర్లక్ష్యం వహిస్తున్నారంటూ గౌతమ్ పూర్ 8 ఇంక్లైన్ కాలనీకి చెందిన వివిధ రాజకీయ పార్టీల నాయకులు, గ్రామ ప్రజలు ప్రతి నెల నిర్వహించే సాధారణ గ్రామసభను బహిష్కరించారు.

గ్రామంలో కోతుల సమస్య తీవ్రంగా ఉందని, కోతుల వల్ల ప్రజలు అనేక ఇబ్బందులు ఎదుర్కొంటున్నారని వారు ఆవేదన వ్యక్తం చేశారు. ఈ సమస్యపై పలుమార్లు అధికారుల దృష్టికి తీసుకెళ్లినా సరైన పరిష్కారం లభించలేదని పేర్కొన్నారు.

కోతులను పట్టుకుని గ్రామ ప్రజలకు సమస్య నుంచి విముక్తి కల్పించే వరకు గ్రామసభలకు హాజరుకాబోమని వివిధ పార్టీల నాయకులు, గ్రామ ప్రజలు స్పష్టం చేశారు. అధికారులు ఇకనైనా స్పందించి కోతుల సమస్యను తక్షణమే పరిష్కరించాలని వారు డిమాండ్ చేశారు.

ప్రజల సమస్యలను పరిష్కరించాల్సిన గ్రామసభలోనే ప్రజలు తమ నిరసనను వ్యక్తం చేయాల్సిన పరిస్థితి రావడం పట్ల స్థానికులు అసంతృప్తి వ్యక్తం చేశారు. సంబంధిత అధికారులు తక్షణ చర్యలు తీసుకుని గ్రామంలో కోతుల బెడదను నివారించాలని గ్రామ ప్రజలు కోరుతున్నారు.